收拾玩具 P。B。L。

大家好!又是我間條小子! 上回我在某個地方拍了很多的照片。

其實，這個地方叫『攀部落』。

今天，我終於有機會帶大家來這裡玩了。

『攀部落』是一個充滿挑戰的部落地帶，最適合愛挑戰、愛冒險的我。不過，今次部落裡傳來的聲音是— 『收玩具喇!收玩具喇!』

哎呀!大件事…我最討厭又悶又沒趣的收玩具任務啊!

讓我去偷看偷看一下…… 

任務1: 一堆玩具散落在地上，現在要收拾玩具。不過，你的手不可觸碰到玩具，你只可運用機械手或海綿棒將玩具收拾到箱內。你會怎樣運送?  哪一個工具較好?  為什麼?

用機械夾夾起積木，

你試過嗎? 試試看!  .

讓我用海綿棒夾起個棒球!

攀部落小貼士 ~P。B。L。

Physical

在間條收拾玩具的過程中，這兩種工具其實鍛鍊了他的手眼協調及雙手配合運用的技巧。家長更可建議小孩用「拋接」的方式收拾玩具，他們必定會樂此不疲！

 看! 我成功將所有玩具收拾到玩具箱了!

間條小記: 原來收拾玩具也可以很有趣。我較喜歡用機械手，因為我覺得機械手比較容易夾玩具。

                      

                        攀部落小貼士 ~P。B。L。

Behaviour

間條平時也很討厭收拾玩具，因為太沒趣了。可是，將沒趣的活動融入體能歷奇的遊戲中，不單可發揮孩子創意潛能及解難精神，說不定孩子的壞習慣也可改變。成為負責任的孩子。

收拾玩意家中創!!!!

任務:  當孩子要收拾玩具時，家長提供有趣的工具予孩子創作出不同的方法收拾玩具。

            (工具如: 筷子, 叉, 匙羹, 毛巾)

攀部落小貼士 ~P。B。L。

Language

孩子在家中進行創意收玩具活動時，可鼓勵孩子說說他想出來的辦法。一方面增加親子溝通的機會，另一方面促進孩子語言表達能力。

撰文:王桂華姑娘(言語治療師) 

當「間條」遇上「黃醫生」

 專訪攀部落領袖樂園創辦人

專訪主角：黃漢威醫生 Dr. Simon H.W. Wong

                   (耳鼻喉科專科醫生、攀部落領袖樂園行政總監)

黃醫生於1988年畢業於澳洲悉尼大學，擁有豐富耳鼻喉科專科經驗。自二千年起，黃醫生成立香港耳鼻喉科中心，領導一隊由耳鼻喉科專科醫生、言語治療師、臨床聽力學家及輔導員組成的專業團隊，為有需要的人士提供全面及高質素的服務。他提出結合體能遊戲及語言訓練的概念，並於本年創辦了攀部落領袖樂園，為幼兒教育帶來獨特及創新的思維。

小記者：間條 (攀部落領袖樂園學員)

喜愛服飾﹕「間條」衫

性別﹕男仔

年齡﹕4歲

嗜好﹕攝影、採訪

最愛的攀部落活動﹕爬「馬騮架」

小記者﹕間條                     受訪者﹕黃醫生

間條﹕	黃醫生你好，我係今次嘅小記者，我叫間條呀。
黃醫生﹕	間條你好。
間條﹕	黃醫生，點解你明明係醫生，你唔成立一間醫院，反而成立一個領袖樂園嘅？
黃醫生﹕	我除咗係一位醫生，同時亦係一位4歲小朋友嘅爸爸，間中又會同醫科學生講書，所以我了解到要孩子成才，不單要確保佢哋有健康嘅身體同聰明嘅腦袋，仲要自小培養佢哋對自己嘅「責任感」、有正面嘅思維同堅強嘅意志，去接受成長中嘅挑戰，成為社會上嘅小領袖。呢個就係我成立PBL Leaders攀部落領袖樂園嘅信念。
間條﹕	我返學都有做班長，咁我算唔算係小領袖呀？
黃醫生﹕	間條，你有做班長去幫助同學，當然係做小領袖嘅好材料啦。 其實要做小領袖，就一定要緊記PBL三方面的能力，即係Physical「體能」、Behavior「行為」同 Language「語言」。P-Physical體能，有健康嘅身體，先可以做到刻苦耐勞；B-Behavior行為，要EQ高，先可以勇敢地面對困難逆境；L-Language語言，有良好嘅溝通能力去表達自己心中所想，享受群體生活。攀部落領袖樂園會透過高互動性嘅體能活動，引導小朋友從小就能於PBL三方面均衡發展，培育出色嘅領袖。
間條﹕	咁樂園入面有咁多刺激嘅活動，你有無玩過呀？你最鍾意邊一項活動呀？
黃醫生﹕	間條，雖然我已經“超齡”，玩唔到樂園嘅活動，但係我都好享受睇住我個仔仔Gavin玩樂園入面嘅七彩攀石牆。見佢人仔細細，都可以咁專注咁同小朋友合作，喺石牆上面爬上爬落玩遊戲，真係唔容易。
間條﹕	黃醫生，多謝你接受我嘅訪問呀，不如我哋下次試下喺七彩攀石牆上面做訪問丫？ ;)



撰文:潘文瑋姑娘(言語治療師)